Sriman Sangeetha Nilayam: Pasupu kumkuma pandlu - Eduru sannaahaala/ Edurukolla paata

Monday, 15 May 2023

పసుపు కుంకుమ పండ్లు పడతులు పట్టిరి

పండుటాకుల మడుపు కాంతలు పట్టిరి

వేదగోష్ఠులతోను విప్రులు తరలిరి

పెండ్లివారు వచ్చిరని రాజుతో చెప్పిరి

శుభము శుభము - నిండైన పెండ్లి ఇది - శుభము శుభము

పానకపు కావిళ్ళు పదునైదు పట్టుకువచ్చి

కౌసల్య సుమిత్ర రాజర్షి వచ్చె

గంధంబు పూసిరి గంధప్పొడి చల్లిరి

కట్నంబులిచ్చిరి వియ్యాలవారికి

శుభము శుభము - నిండైన పెండ్లి ఇది - శుభము శుభము

కొబ్బరి చక్కెర కూర్మితోబెట్టిరి

విడిదిల్లు చూపించె విశ్రాంతి పొందుమని

నిద్రించు వియ్యాలవారు లేవండీ

ప్రొద్దునే లేవండి పొందికగా మీరు

శుభము శుభము - నిండైన పెండ్లి ఇది - శుభము శుభము

మొగలిపూల వాసనలు ఈ బావి నీళ్ళు

ముఖాలు కడుక్కొనే వేళాయె లెండి

పొగడపూల వాసనలు మా బావి నీళ్ళు

ప్రాతః స్నానాలు చేయ వేళాయె లెండి

శుభము శుభము - నిండైన పెండ్లి ఇది - శుభము శుభము

మల్లెపూల వాసనలు మా బావి నీళ్ళు

మాఘ స్నానాలు చేయ వేళాయె లెండి

కూరలు కాయలు గంపల్లో నింపి

శాకదానం చేయ వేళాయె లెండి

శుభము శుభము - నిండైన పెండ్లి ఇది - శుభము శుభము

ఆవును లేగను స్తంభానికి కట్టి

గోదానము చేయ వేళాయె లెండి

మా చిన్న బాలను బుట్టలో పెట్టి

కన్యాదానము చేయ వేళాయె లెండి

శుభము శుభము - నిండైన పెండ్లి ఇది - శుభము శుభము

పసుపు కుంకుమలంద పరుగున రండి

ఫలదానానికి వెలదిరో రండి

తాంబూల దానానికి తరలి రారమ్మా

కన్యాదానము చూడ కదలి రారమ్మా

శుభము శుభము - నిండైన పెండ్లి ఇది - శుభము శుభము

తెలుగింటి పెండ్లి ఇది - శుభము శుభము

Pasupu kumkuma pandlu padathulu pattiri

Pandutaakula madupu kaanthalu pattiri

Vedaghoshthulathonu viprulu tharaliri

Pendlivaaru vacchirani raajutho cheppiri