శాస్త్రీయ - జానపద - లలిత సంగీత రీతులమధ్య తేడాలు-పోలికలు

మాండలీక పదాలు:

ఒకే రాష్ట్రంలోని ఒకొక్క ప్రాంతంలో ఒకొక్క రకమైన యాస వాడుకలో ఉంటుంది.

విద్యావంతులు, నాగరికుల భాషకు, పల్లెప్రజల భాషకు తేడా ఈ యాసే.

వివిధ ప్రాంతాలలో, మండలాలలో వాడుకలో ఉన్న పదాలు, మాటలు మాండలీక పదాలు. ఇవి గ్రామీణుల భాషకు ఒక విశిష్టతను, ప్రత్యేకతను, వినూత్న సౌందర్యాన్ని చేకూరుస్తాయి. అటువంటి మాండలీక శబ్దాలతోను, యాసతోను పల్లీయులు పాడుకొనే గీతాలలోని సాహిత్యమే జానపద సాహిత్యం.

ప్రౌఢ సాహిత్యం:

సంస్కృత భాషలోని క్లిష్టమైన పదాలతో, సమాసాలతో, ఛందోబద్ధంగా పాండిత్య ప్రకర్షతో వెలుగొందే సాహిత్యం.

వృత్తాలు, రగడలు, ద్విపదలు, జాతులు, ఉపజాతులు కలిగిన పద్యాలు, పురాణేతిహాసాలు, ప్రబంధాలు, మొదలైనవి.